 |
|---|
Best Food in town!
Mmmhhhhh...
Än Guete!
Ufeme Städtetrip sind für mich di kulinarische Statione meistens es Highlight. Nachem Ufstah e feini Müesli-Bowl, en Kaffi dezue und de Tag chann startä!
Ich han es paar vo minne absolute Lieblingsrestis zämätreit - alles selber testet und vo A - Z duregfrässä. Das sind mini Highlights us 22 Jahr Züri-Fooderfahrig. Eifach mit de Muus über'd Bilder fahrä und du chunsch zum Resti.
Piadina-Bar
Di bestä Piadina gitts zmittzt im Niederdörfli. Optimal für de chlini Hunger to go.
Ona Poké
En rächte Hype – aber zurächt!
Du chasch dir dini eigeti farbigi Bowl zämästelle - früsch und ganz nach dim persönliche Gusto.
Roots
Super feini, gsundi Powerfood-Bowls und so.
"Instagrammable" garantiert!
Yuma
S' Yuma hät nöd nur hammer feins Ässä, sondern es isch au e richtig kuuli Location.
(D Spiischartä in fancy Zitigsform zum Biispiel...)
Hiltl
S' ältischte vegetarische Resti vode Wält. Hammer Buffet und uf jede Fall en Bsuech wert. Egal ob Dachterasse oder Hauptstandort direkt am Bahnhof.
Tschingg
Mega feini Pasta! Studenteprise und optimal für "to go".
Chaschs aber au vor Ort gnüsse...
Neni
Israelischi Kulinarik zmittzt in Züri. Es Resti mit Härz, gfüehrt vonere israelische Frau und ihren vier Söhn. Mit vill Lideschaft, , Kreativität und Liebi
findsch da es zweits dihei.
SO
Pizza mal anderscht!
Kuuuls Konzept – Rundi für Rundi gits es neus Stuck Pizza, immer früsch und warm, spezielli Kreatione und sicher nie langwiilig!
Bohemia
E tolli Lag gad am Chrüzplatz – am Puls vode Ziit.
D' Trüffelpommes sind meegaa!