ZÜRI
ENTDECKÄ – KÄNNÄLÄRNÄ – INSPIRIERÄ LAH
Für all mini Gwundernasä
Kännsch das – du plansch en Städtetrip ine fremdi Stadt, chaufsch der en Reisefüehrer und machsch di über's Internet schlau. Du erkundigsch dich nach de tollste Sehenswürdigkeite, suechsch di bestä Restaurants use und informiersch dich nebebii au no chli über'd Kultur vo dere Stadt.
Aber ganz ehrlich – wie guet kennsch du dich mit so Sache i dinnere eigete Stadt us? Ich ha nämmli bis vor churzem kei Ahnig gha wer d' Regula und de Felix gsi sind, welles s'türste Hotel isch zurzit und das Züri früehner sogar als "Rom an der Limmat" bekannt gsi isch. Alles klar, oder?
Ich ha es paar spannendi Facts rund um Züri gsammlet, zämätreit und dadebi isch die chlini Website usecho – Kunst, Kultur und persönlichi Empfehlige vonnere ächte Zürcherin.
Vill Spass bim Entdeckä – egal ob Heimatstadt oder eifach so!
SEHENSWÜRDIGKEITE – Das musch kännä
KUNST & KULTUR – Drü Highlights
FOOD – Schlemmä bis zum umkippe
FUN FACTS – Eifach so es paar Infos
Das bin ich
Jana Hug, 22gi
Hey hoi, freut mi dasd verbi luegsch!
Ich bin afangs Jahr 2021 vo Albisriede ine chlini Stadtwohnig zmitzt im Niederdorf zoge. Grad überhalb vom "Schwarzebach" und gsehne direkt id Chuchi vode "Bodega" – falls der das öppis seit. Uf jede Fall isch das usschlaggebend gsi für de chlini Züri-Stadt-Füehrer. Ich ha nemmli trurigerwis gmerkt, dass ich absolut kei Ahnig han vo all dene historisch prägte Gebäude und de Stadtgschicht. Drumm isches höchsti Isebahn worde, mich über mini Lieblingsstadt z'informiere. Das neue Wüsse möcht ich eui natürli nöd vorenthalte ;-)
Ich hoffe, du chasch öppis mitneh oder wirsch sogar zumne neue chline Zürifan!